Ferill 499. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 499 . mál.
Nd.
1291. Nefndarálit
um frv. til l. um ráðstafanir vegna kjarasamninga.
Frá meiri hl. fjárhags- og viðskiptanefndar.
Nefndin hefur fjallað um frumvarpið og fékk á sinn fund til viðræðna um málið Jóhannes Nordal seðlabankastjóra, Bjarna Braga Jónsson aðstoðarseðlabankastjóra, Árna Kolbeinsson, ráðuneytisstjóra í sjávarútvegsráðuneytinu, Lárus Ögmundsson, skrifstofustjóra í fjármálaráðuneytinu, og Guðlaug Stefánsson frá Landssambandi iðnaðarmanna.
Meiri hl. nefndarinnar leggur til að frumvarpið verði samþykkt. Nefndin sem heild flytur hins vegar á sérstöku þingskjali fjórar breytingartillögur. Fyrsta breytingin er við 4. gr. frumvarpsins og felur í sér að fleiri tollskrárnúmer verði undanþegin vörugjaldi. Önnur breytingin varðar tekjuskatts- og eignarskattslögin og felur í sér þá breytingu að við álagningu eignarskatts skuli skipta eignarskattsstofni eftirlifandi maka sem situr í óskiptu búi og reikna eignarskatt hans eins og hjá hjónum væri næstu fimm ár eftir lát maka. Þriðja breytingin er vegna síðastnefndu breytingarinnar og felur í sér að ákvæðin skuli koma til framkvæmda við álagningu opinberra gjalda á árinu 1989. Fjórða breytingin er bráðabirgðaákvæði sem felur í sér að við gildistöku laganna verði fjármálaráðherra heimilt að fella niður vörugjald og jöfnunargjald á aðföngum til fiskeldis- og loðdýraræktar.
Stefán Valgeirsson sat fundi nefndarinnar og er samþykkur áliti þessu.
Alþingi, 19. maí 1989.
Páll Pétursson,
Guðmundur G. Þórarinsson,
Matthías Bjarnason,
form.
frsm.
með fyrirvara.
Ragnar Arnalds.
Jón Sæmundur Sigurjónsson.