Ferill 386. máls. Aðrar útgáfur af skjalinu: Word Perfect.
1989–90. – 1059 ár frá stofnun Alþingis.
112. löggjafarþing. – 386 . mál.
Ed.
982. Breytingartillögur
við frv. til. l. um skipan prestakalla og prófastsdæma og um starfsmenn þjóðkirkju Íslands.
Frá allsherjarnefnd.
1. Við 1. gr.
a. Í stað orðsins „ Egilsstaðaprestakall“ í 5. tölul. I. Múlaprófastsdæmi komi: Vallanessprestakall.
b. Í stað orðsins „ Hafnarprestakall“ í 1. tölul. III. Skaftafellsprófastsdæmi komi: Bjarnanessprestakall.
c. Í stað 3. tölul. III. Skaftafellsprófastsdæmi komi tveir nýir töluliðir svohljóðandi:
3. Kirkjubæjarklaustursprestakall:
Kálfafells- og Prestsbakkasóknir.
Prestssetur: Kirkjubæjarklaustur.
4. Ásaprestakall:
Langholts-, Grafar- og Þykkvabæjarsóknir.
Prestssetur: Ásar.
d. 1. og 2. tölul. V. Árnessprófastsdæmi orðist svo:
1. Hrunaprestakall:
Hruna- og Hrepphólasóknir.
Prestssetur: Hruni.
2. Stóranúpsprestakall:
Stóranúps-, Ólafsvalla-, Hraungerðis- og Villingaholtssóknir.
Prestssetur: Tröð.
e. Í stað orðsins „ Akranessprestakall“ í 2. tölul. VI. Borgarfjarðarprófastsdæmi komi: Garðaprestakall á Akranesi.
f. Í stað orðsins „ Búðardalsprestakall“ í 6. tölul. VII. Snæfellsness- og Dalaprófastsdæmi komi: Hjarðarholtsprestakall.
g. Í stað orðsins „ Hvolsprestakall“ í 7. tölul. VII. Snæfellsness- og Dalaprófastsdæmi komi: Hvammsprestakall.
h. Í stað orðsins „ Suðureyrarprestakall“ í 3. tölul. IX. Ísafjarðarprófastsdæmi komi: Staðarprestakall í Súgandafirði.
i. Í stað orðsins „ Hvammstangaprestakall“ í 5. tölul. X. Húnavatnsprófastsdæmi komi: Breiðabólsstaðarprestakall.
j. 2.–5. tölul. XI. Skagafjarðarprófastsdæmi orðist svo:
2. Glaumbæjarprestakall:
Reynistaðar-, Glaumbæjar- og Víðimýrarsóknir.
Prestssetur: Glaumbær.
3. Mælifellsprestakall:
Mælifells-, Goðdala-, Ábæjar- og Reykjasóknir.
Prestssetur: Mælifell.
4. Miklabæjarprestakall:
Silfrastaða-, Miklabæjar-, Flugumýrar- og Hofstaðasóknir.
Prestssetur: Miklibær.
5. Hólaprestakall:
Hóla-, Viðvíkur- og Rípursóknir.
Um þjónustu prestakallsins fer eftir ákvæði 42. gr. laga þessara.
k. Í stað „ XV. Reykjavíkurprófastsdæmi“ komi: XV. Reykjavíkurprófastsdæmi vestra.
l. Í stað „XVI. Holta- og Vogaprófastsdæmi“ komi: XVI. Reykjavíkurprófastsdæmi eystra.
2. Í stað orðanna „Kjalarnessprófastsdæmi, Reykjavíkurprófastsdæmi og Holta- og Vogaprófastsdæmi“ í 1. og 2. mgr. 2. gr. komi: Kjalarness- og Reykjavíkurprófastsdæmum.
3. Við 4. gr. Orðin „sbr. 2. gr.“ í niðurlagi greinarinnar falli brott.
4. Við fyrri málsgrein 6. gr. bætist: enda hafi það verið prestlaust í a.m.k. tvö ár.
5. 5. mgr. 8. gr. falli brott.
6. Við 21. gr. Í stað orðanna „Samstarf presta innan hvers prófastsdæmis skal einkum lúta að“ í upphafi greinarinnar komi: Prestum ber að hafa samstarf um kirkjulega þjónustu innan hvers prófastsdæmis undir stjórn prófasts. Samstarf presta skal m.a. lúta að.
7. 22. gr. orðist svo:
Biskupi er heimilt að fela sóknarpresti, er þjónar í prestakalli þar sem íbúafjöldi er innan við 700 íbúa og aðstæður að öðru leyti leyfa, að annast bæði tiltekin verkefni og þjónustu í einstökum sóknum utan prestakalls síns að tillögu prófasts, án viðbótarlauna en gegn greiðslu kostnaðar.
8. Við 23. gr. bætist: sbr. þó 22. gr.
9. 7. mgr. 29. gr. orðist svo:
Prófastur skipuleggur samstarf presta innan prófastsdæmis, sbr. 21. gr., og afleysingarþjónustu presta í sumarleyfum og öðrum samningsbundnum leyfum þeirra.
10. Við 42. gr.:
a. Orðin „í Skagafjarðarprófastsdæmi“ í niðurlagi 3. mgr. falli brott.
b. Lokamálsgrein falli brott.
11. Orðin „Holta- og Voga-,„ í fyrri málsgrein 44. gr. falli brott.
12. 1. mgr. 50. gr. orðist svo:
Lög þessi öðlast gildi 1. júlí 1990.