Ferill 34. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. – 34 . mál.
Ed.
380. Nefndarálit
um frv. til l. um ráðstafanir vegna kjarasamninga.
Frá minni hl. fjárhags- og viðskiptanefndar.
Frumvarp þetta felur í sér að virðisaukaskattur af bókum falli niður 1. sept. í stað 16. nóv. Sjálfstæðismenn fluttu breytingartillögu þessa efnis á síðasta þingi en hún var felld. Það orkar tvímælis að heimilt sé að gefa út bráðabirgðalög sama efnis þó svo að sömu menn standi að útgáfu bráðabirgðalaga og felldu tillöguna á síðasta þingi.
Önnur grein frumvarpsins felur í sér að virðisaukaskattur verði endurgreiddur af vinnu við viðhald og endurbætur íbúðarhúsa. Sú breyting er einnig í samræmi við tillögur Sjálfstæðisflokksins á síðasta þingi.
Minni hl. styður efnisatriði frumvarpsins eins og á síðasta þingi.
Alþingi, 18. des. 1990.
Halldór Blöndal,
frsm.
Ey. Kon. Jónsson.
