Félagsmálaráðherra (Jóhanna Sigurðardóttir)
:
Virðulegi forseti. Ég vil þakka góðar undirtektir sem þetta frv. hefur fengið og vona að þær gefi tilefni til að ætla að málið geti fengið greiða ferð í gegnum þingið. Vissulega er um ítarlegan lagabálk að ræða og hann þarf örugglega nokkra umfjöllun í nefnd en engu að síður vona ég að hægt sé að lögfesta frv. á þessu vori.
Varðandi þá spurningu sem til mín var beint af hv. 18. þm. Reykv. hvort framboð hafi aukist á leiguíbúðum og hvort málefnum leigjenda sé betur sinnt af sveitarfélögunum þá vil ég svara báðum þessum spurningum játandi, það er mitt mat. Ég vil rifja upp að á árunum 1980--1987 voru mjög fáar leiguíbúðir byggðar, þær voru innan við 100 á þessu sjö ára tímabili á öllu landinu. En það hefur orðið hér veruleg breyting á. Ég er ekki með tölurnar við höndina en á undanförnum árum hefur fjölgunin orðið það mikil að aukningin hefur skipt einhverjum hundruðum þannig að veruleg breyting hefur orðið á enda mátt það svo sannarlega verða. Það er svo að nokkuð stór hópur í þjóðfélaginu er ekki fær um að festa sér kaup á íbúð á almennum markaði og oft ekki einu sinni í félagslega íbúðakerfinu, hann á þá ekki fyrir þeirri útborgun sem þar er. Þess vegna er nauðsynlegt að til sé öflugur leigumarkaður.
Varðandi stuðning við leigusala sem rætt hefur verið í nefndinni sem starfaði 1990 þá er það enn til umræðu og er til umræðu í þeirri nefnd sem fjallar um aðstoð við leigjendur. Þar er m.a. einn þáttur sem er verið að ræða sem að finna leið til að auka framboð á leiguhúsnæði. Þá er m.a. verið að skoða hvort rétt sé að fara inn í einhvers konar afslátt til leigusala, t.d. varðandi eignarskatta, þannig að þetta er áfram til skoðunar í þeirri nefnd sem enn starfar að því að vinna að tillögum og úrbótum til aðstoðar við leigjendur.
Virðulegi forseti. Ég vil þakka góðar undirtektir sem þetta frv. hefur fengið og vona að þær gefi tilefni til að ætla að málið geti fengið greiða ferð í gegnum þingið. Vissulega er um ítarlegan lagabálk að ræða og hann þarf örugglega nokkra umfjöllun í nefnd en engu að síður vona ég að hægt sé að lögfesta frv. á þessu vori.
Varðandi þá spurningu sem til mín var beint af hv. 18. þm. Reykv. hvort framboð hafi aukist á leiguíbúðum og hvort málefnum leigjenda sé betur sinnt af sveitarfélögunum þá vil ég svara báðum þessum spurningum játandi, það er mitt mat. Ég vil rifja upp að á árunum 1980--1987 voru mjög fáar leiguíbúðir byggðar, þær voru innan við 100 á þessu sjö ára tímabili á öllu landinu. En það hefur orðið hér veruleg breyting á. Ég er ekki með tölurnar við höndina en á undanförnum árum hefur fjölgunin orðið það mikil að aukningin hefur skipt einhverjum hundruðum þannig að veruleg breyting hefur orðið á enda mátt það svo sannarlega verða. Það er svo að nokkuð stór hópur í þjóðfélaginu er ekki fær um að festa sér kaup á íbúð á almennum markaði og oft ekki einu sinni í félagslega íbúðakerfinu, hann á þá ekki fyrir þeirri útborgun sem þar er. Þess vegna er nauðsynlegt að til sé öflugur leigumarkaður.
Varðandi stuðning við leigusala sem rætt hefur verið í nefndinni sem starfaði 1990 þá er það enn til umræðu og er til umræðu í þeirri nefnd sem fjallar um aðstoð við leigjendur. Þar er m.a. einn þáttur sem er verið að ræða sem að finna leið til að auka framboð á leiguhúsnæði. Þá er m.a. verið að skoða hvort rétt sé að fara inn í einhvers konar afslátt til leigusala, t.d. varðandi eignarskatta, þannig að þetta er áfram til skoðunar í þeirri nefnd sem enn starfar að því að vinna að tillögum og úrbótum til aðstoðar við leigjendur.