Guðrún Helgadóttir
:
Hæstv. forseti. Það sýnir nú dálítið hvernig hér er að verki staðið að ákvæði til bráðabirgða II hljóðar svo, með leyfi hæstv. forseta:
,,Ákvæði 10. gr. laga um málefni fatlaðra, nr. 41/1983, á við þar til ákvæði um umönnunarbætur fatlaðra barna hefur öðlast gildi samkvæmt lögum um almannatryggingar.``
Það gerðist hér á Alþingi 22. des 1991 að í lögum sem þá voru samþykkt segir, með leyfi hæstv. forseta:
,,Greiða skal framfærendum fatlaðra og sjúkra barna sem dveljast í heimahúsi styrk allt að 9.092 kr. eða umönnunarbætur allt að 47.111 kr. á mánuði ef andleg eða líkamleg hömlun barns hefur í för með sér`` o.s.frv.
4. gr. þeirra laga hljóðar svo: ,,Lög þessi öðlast gildi 1. jan. 1992. Frá sama tíma fellur úr gildi 3.--5. mgr. 10. gr. laga um málefni fatlaðra, nr. 41/1983.``
Ég skil þess vegna vel að hv. formaður nefndarinnar óski eftir að draga ákvæðið til baka til 3. umr. og ég styð það. ( Gripið fram í: Það er ekki hægt, þetta er ekki brtt.) Ég spyr nú hv. þingheim, getur hann ekki fallist á að hjálpa forseta við að þurfa ekki að greiða atkvæði um svona vitleysu?
Hæstv. forseti. Það sýnir nú dálítið hvernig hér er að verki staðið að ákvæði til bráðabirgða II hljóðar svo, með leyfi hæstv. forseta:
,,Ákvæði 10. gr. laga um málefni fatlaðra, nr. 41/1983, á við þar til ákvæði um umönnunarbætur fatlaðra barna hefur öðlast gildi samkvæmt lögum um almannatryggingar.``
Það gerðist hér á Alþingi 22. des 1991 að í lögum sem þá voru samþykkt segir, með leyfi hæstv. forseta:
,,Greiða skal framfærendum fatlaðra og sjúkra barna sem dveljast í heimahúsi styrk allt að 9.092 kr. eða umönnunarbætur allt að 47.111 kr. á mánuði ef andleg eða líkamleg hömlun barns hefur í för með sér`` o.s.frv.
4. gr. þeirra laga hljóðar svo: ,,Lög þessi öðlast gildi 1. jan. 1992. Frá sama tíma fellur úr gildi 3.--5. mgr. 10. gr. laga um málefni fatlaðra, nr. 41/1983.``
Ég skil þess vegna vel að hv. formaður nefndarinnar óski eftir að draga ákvæðið til baka til 3. umr. og ég styð það. ( Gripið fram í: Það er ekki hægt, þetta er ekki brtt.) Ég spyr nú hv. þingheim, getur hann ekki fallist á að hjálpa forseta við að þurfa ekki að greiða atkvæði um svona vitleysu?