Ferill 485. máls. Aðrar útgáfur af skjalinu: Word Perfect.

---

1991–92. – 1061 ár frá stofnun Alþingis.
115. löggjafarþing. – 485 . mál.

797. Svar

menntamálaráðherra við fyrirspurn Bryndísar Friðgeirsdóttur og Sigríðar Jóhannesdóttur um málefni grunnskóla og framhaldsskóla.

    Fyrirspurnin er svohljóðandi:
    Hve margir nemendur útskrifast úr 10. bekk grunnskólans í vor (skipt eftir fræðsluumdæmum)?
    Fjöldi nemenda sem útskrifast úr grunnskóla vorið 1992:

Fræðsluumdæmi

    Fjöldi

    Hve margir nemendur með grunnskólapróf má áætla að verði teknir inn í framhaldsskóla að hausti (skipt eftir fræðsluumdæmum)?
    Fjöldi nemenda sem útskrifast með grunnskólapróf vorið 1992 og ætla má að innritist í framhaldsskóla í haust:

Fræðsluumdæmi

    Fjöldi

    Miðað er við að 82% nemenda innritist í framhaldsskóla.

    Ef fleiri sækja um framhaldsskóla en fá þar inni í haust, hvað verður lagt til grundvallar við inntöku?
    Ráðuneytið hefur ákveðið að ekki verði um að ræða takmörkun á inngöngu nemenda úr grunnskóla í framhaldsskóla í haust.

    Hversu mörgum sérkennslustundum er varið til kennslu nemenda í 10. bekk skólaárið 1991–92?
    Skólastjórar grunnskóla gera áætlanir um þörf fyrir sérkennslu í skólum sínum árlega. Fræðslustjórar úthluta stundum til sérkennslu í samræmi við þær áætlanir að því leyti sem sérkennslukvótinn dugir til. Kvóta til sérkennslu í grunnskólum er úthlutað tímabundið eða frá því að vera nokkrar kennslustundir í það að nemandi nýtur sérkennslu allan skólatímann.
    Yfirlit yfir fjölda kennslustunda í 10. bekk til sérkennslu á þessu skólaári liggur ekki fyrir. Í grunnskólum landsins er varið 9.836 vikustundum til sérkennslu u.þ.b. 6.600 nemenda á aldrinum 6–16 ára á skólaárinu sem er að líða og er stundunum úthlutað á þann hátt sem að framan greinir.

    Hversu mörgum sérkennslustundum er varið til kennslu nemenda í 1. bekk framhaldsskóla sama ár? Er það fjölgun eða fækkun frá fyrra ári?
    Alþingi hefur með samþykkt fjárlaga ársins 1992 varið 26 millj. kr. til sérkennslu og annarrar aðstoðar við fatlaða í framhaldsskólum á þessu ári. Á síðasta ári var upphæðin 16 millj. kr.
    Á haustönn 1991 voru 283 vikustundir nýttar til sérkennslu í framhaldsskólum en 475 á vorönn 1992.

    Hversu margir nemenda, sem innrituðust í framhaldsskóla, náðu ekki prófi eða þreyttu ekki próf eftir haustönn yfirstandandi skólaárs?
    Ekki liggur fyrir hve margir nemendur, sem innrituðust í framhaldsskóla sl. haust, náðu ekki prófum eða fóru ekki í próf í lok haustannar.