Kristín Ástgeirsdóttir
:
Virðulegi forseti. Ef þessi grein verður samþykkt blasir við samdráttur, ef ekki gjaldþrot, í bóka- og blaðaútgáfu. Með þeim 14% virðisaukaskatti sem ríkisstjórnin ætlar að leggja á má reikna með að allt að 100 störf muni leggjast niður eða flytjast úr landi að mati Þjóðhagsstofnunar. Í greinargerð Þjóðhagsstofnunar segir að samkvæmt þessu megi ætla að bóka-, blaða- og tímaritaútgáfa muni dragast saman um 10--11% í heild í kjölfar 14% verðhækkunar.
Í því vaxandi atvinnuleysi sem við okkur blasir er þetta óafsakanleg og óskynsamleg aðgerð enda magnar hún þann samdrátt sem þegar blasir við okkur. Jafnframt felur þessi tillögugrein í sér atlögu að bókmenntum og menningu þjóðarinnar.
Stjórnarandstaðan mótmælir þessari tillögu harðlega og mun greiða atkvæði gegn henni.
Virðulegi forseti. Ef þessi grein verður samþykkt blasir við samdráttur, ef ekki gjaldþrot, í bóka- og blaðaútgáfu. Með þeim 14% virðisaukaskatti sem ríkisstjórnin ætlar að leggja á má reikna með að allt að 100 störf muni leggjast niður eða flytjast úr landi að mati Þjóðhagsstofnunar. Í greinargerð Þjóðhagsstofnunar segir að samkvæmt þessu megi ætla að bóka-, blaða- og tímaritaútgáfa muni dragast saman um 10--11% í heild í kjölfar 14% verðhækkunar.
Í því vaxandi atvinnuleysi sem við okkur blasir er þetta óafsakanleg og óskynsamleg aðgerð enda magnar hún þann samdrátt sem þegar blasir við okkur. Jafnframt felur þessi tillögugrein í sér atlögu að bókmenntum og menningu þjóðarinnar.
Stjórnarandstaðan mótmælir þessari tillögu harðlega og mun greiða atkvæði gegn henni.