[18:43]
Fyrirspyrjandi (Árni R. Árnason) :
Virðulegi forseti. Ég þakka hæstv. utanrrh. svarið og vænti þess að við megum síðar, jafnvel bráðlega ef við tölum ekki í mjög stuttum tímabilum, sjá fram á viðræður við Bandaríkjamenn og aðrar þjóðir í Ameríku, eins og hann nefndi sjálfur, og við Kyrrahafslönd sem mundu treysta mjög okkar viðskiptamöguleika í þeim viðskiptaheimi sem nú er að skapast þar sem ljóst er að ríki meginlandanna eru óðum að festa í sessi bandalög af þessu tagi. Væntanlega getum við vakið athygli Bandaríkjamanna og annarra þjóða vestan hafs á þeim möguleika sem við getum boðið upp á sem hlið að efnahagssvæði Evrópu.
