[02:24]
Svavar Gestsson (andsvar) :
Virðulegi forseti. Er það ekki þannig að verið sé að flytja þá fjármuni sem áður voru teknir í aðstöðugjald yfir í útsvar? Er það ekki þannig? Þar með er auðvitað verið að hækka útsvar á einstaklingum í landinu frá því sem ella hefði verið. Það er alveg ljóst. Hæstv. fjmrh. er því að beita sér fyrir því að fella niður þessa skatta á fyrirtæki með tilteknum hætti og hækka skatta, útsvör, á einstaklingunum, þvert á það sem Sjálfstfl. lofaði fyrir síðustu og næstsíðustu og kosningarnar þar áður.
Hér er því er enn eitt fyrirheitið svikið af hæstv. forustu Sjálfstfl.
