[14:49]
Frsm. allshn. (Björn Bjarnason) :
Hæstv. forseti. Álit nefndarinnar liggur fyrir á þskj. 871.
Nefndin fjallaði um málið og er sammála um að verði frumvarp til stjórnarskipunarlaga um breyting á stjórnarskrá lýðveldisins Íslands, nr. 33/1944, með síðari breytingum, 297. mál, samþykkt sem breyting á stjórnarskránni sé eðlilegt að ríkisstjórnin láti semja nýja löggjöf um tjáningarfrelsi á grundvelli ákvæða hinnar nýju stjórnarskrár. Með vísan til þessa er lagt til að tillögunni verði vísað til ríkisstjórnarinnar og er nefndin sammála þessari niðurstöðu.
