[prenta uppsett í dálka] 85. fundur
[13:57]
Ásta R. Jóhannesdóttir:
Herra forseti. Ég þakka þessa fyrirspurn hér á Alþingi og vil benda á í kjölfar orða félmrh. að til þess að styðja fatlaða út á vinnumarkaðinn þarf að taka almannatryggingakerfið í gegn og endurskoða það í heild. Það er ákaflega vinnuletjandi kerfi. Atvinnutekjur öryrkja skerða almannatryggingabætur á vissu bili um 100%, þ.e. krónu á móti krónu. Það eru mjög þungir jaðarskattar á þessum hópi, jafnvel yfir 70% eftir að þeir eru komnir með tekjur yfir skattleysismörk.
