[prenta uppsett í dálka] 87. fundur
[17:31]
Siv Friðleifsdóttir (andsvar):
Herra forseti. Eins og fjármögnun á sjúkrastofnunum er í dag, og ég veit að hv. þm. þekkir þar sem hann var áður heilbrrh., eru þessar stofnanir að togast á um fjármagnið. Þannig er það í dag. Fulltrúar frá stofnunum á landsbyggðinni koma suður og liggja yfir þingmönnum, sérstaklega þingmönnum í kjördæmi sínu og eru í heilbrrn. til að reyna að kría út fjármagn og sanna fyrir þeim sem valdið hafa hvað þeir þurfa. Er ekki miklu æskilegra að dreifa fjármagninu út í kjördæmin þar sem heimamenn geta skipt því þar sem ekki þarf að fara suður og eiga við eitthvert Reykjavíkurvald? Væri það ekki miklu skynsamlegra?
