[prenta uppsett í dálka] 127. fundur
Arnbjörg Sveinsdóttir:
Hæstv. forseti. Ég beini orðum mínum til hæstv. utanrrh. varðandi málefni Íslendinganna sem fluttir voru með valdi og gegn vilja sínum til Klaipeda í Litáen dagana 21. mars til 27. mars á skipinu Vydunas. Við komuna til Klaipeda lögðu Íslendingarnir um borð í skipinu fram kröfu um rannsókn á gerðum skipstjóra um mannréttindabrot. Ég vil því leggja fram þá spurningu til utanrrh.:
1. Hvað hefur utanrrn. aðhafst til aðstoða þá Íslendinga sem hér um ræðir?
2. Hafa íslensk stjórnvöld gert litáískum stjórnvöldum grein fyrir málinu og eðli þess?
