[prenta uppsett í dálka] 140. fundur
Ögmundur Jónasson (andsvar):
Herra forseti. Þar sem hæstv. félmrh. á vonandi eftir að koma oftar í ræðustólinn hér eftir mitt tal, óska ég eftir að hann greini okkur frá því hvort eitt einasta verkalýðsfélag í landinu leggi blessun sína yfir frv. eins og það er nú. Ég er sannfærður um að svo er ekki.
Á sama tíma og hæstv. ráðherra talar um leiðir til að ná fram launajöfnuði er verið að samþykkja á þingi ekki einvörðungu þetta frv. heldur frv. um réttindi og skyldur opinberra starfsmanna sem sannanlega, og fyrir því hafa verið færð ítarleg rök, mun leiða til aukins ójafnaðar í launakerfinu. Hér stangast því sitthvað á.
