[prenta uppsett í dálka] 146. fundur
Jóhanna Sigurðardóttir:
Ég tel, virðulegi forseti, að það frv. sem hér er greitt atkvæði um komi engan veginn í staðinn fyrir það frv. sem framsóknarmenn lofuðu fyrir kosningar um greiðsluaðlögun til þess að hjálpa skuldugum heimilum í landinu og þeir hafa nú svikið. Það frv. sem hér er verið að greiða atkvæði um felur einungis í sér að í einstaka tilvikum er heimilt að greiða lögfræðiþókun vegna nauðasamninga og mun gagnast mjög fáum. Þetta er enn eitt dæmið um það hvernig sjálfstæðismenn beygja framsóknarmenn í hverju málinu á fætur öðru. Hér eru framsóknarmenn einungis að klóra í bakkann og það er sjálfsagt að aðstoða þá við það og ég segi já.
