[prenta uppsett í dálka] 151. fundur
Sigríður Jóhannesdóttir:
Hæstv. forseti. Þetta frv. um framhaldsskóla sem á að greiða atkvæði um er ekki lagt fram í sátt við kennarasamtökin í landinu. Í frv. er fátt sem kemur nemendum til góða eða bætir aðstöðu þeirra. Frv. býður upp á mismunun við inntöku nemenda í framhaldsskóla þó þeir hafi náð grunnskólaprófi. Það býður upp á aukna miðstýringu. Það dregur úr möguleikum kennara til að hafa áhrif á stefnumótun í skólamálum. Því miður er engin trygging fyrir úrbótum í starfsmenntamálum í þessu frv. Ég mun því ekki greiða frv. atkvæði mitt.
