[prenta uppsett í dálka] 74. fundur
[09:38]
Jóhanna Sigurðardóttir:
Virðulegi forseti. Framsóknarmenn boðuðu fyrir kosningar skuldbreytingu aldarinnar fyrir fólk í greiðsluerfiðleikum. Frv. hæstv. félmrh. þrengir verulega þá aðstoð sem verið hefur við fólk í greiðsluerfiðleikum frá 1993 og það mikið að einungis 20% þeirra sem hafa fengið fyrirgreiðslu frá árinu 1993 hefðu fengið fyrirgreiðslu ef tillögur ráðherrans hefðu verið í gildi frá því ári. Hv. félmn. kom í veg fyrir afglöp ráðherrans og með brtt. félmn. eru greiðsluerfiðleikalán færð til þess horfs sem þau hafa verið frá 1993. Hæstv. ráðherra sagði í gær að hann væri afar ánægður með þessar breytingar og það er auðvitað viðurkenning á þeirri stefnu og aðstoð sem verið hefur við fólk í greiðsluerfiðleikum frá 1993. Ég lýsi mig einnig afar ánægða með þessa brtt. og segi já.
