Ferill 225. máls. Aðrar útgáfur af skjalinu: Word Perfect.
1995. – 1065 ár frá stofnun Alþingis.
120. löggjafarþing. – 225 . mál.
444. Breytingartillögur
við frv. til l. um ráðstafanir í ríkisfjármálum á árinu 1996.
Frá minni hluta efnahags- og viðskiptanefndar (SJS, JBH, ÁE).
Þrátt fyrir ákvæði 1. tölul. 3. gr. laga nr. 71/1990, um Listskreytingasjóð ríkisins, skal framlag ríkissjóðs til sjóðsins vera í samræmi við fjárlög fyrir árið 1996.
Þrátt fyrir ákvæði 1. tölul. 5. gr. laga nr. 94/1984, um kvikmyndamál, skal framlag til Kvikmyndasjóðs vera í samræmi við fjárlög fyrir árið 1996.
Þrátt fyrir ákvæði 2. mgr. 22. gr. og 2. mgr. 23. gr. útvarpslaga, nr. 68/1985, skulu tekjur á árinu 1996 vegna aðflutningsgjalda af hljóðvarps- og sjónvarpstækjum og hlutum í þau renna í ríkissjóð.
Þrátt fyrir ákvæði 2. og 3. mgr. 46. gr. þjóðminjalaga, nr. 88/1989, skal framlag ríkissjóðs í húsafriðunarsjóð vera í samræmi við fjárlög fyrir árið 1996.
Þrátt fyrir ákvæði 1. og 5. tölul. 4. gr. laga nr. 45/1971, um Stofnlánadeild landbúnaðarins, landnám, ræktun og byggingar í sveitum, skal framlag ríkissjóðs til Stofnlánadeildar landbúnaðarins falla niður á árinu 1996.
Þrátt fyrir ákvæði 2. gr. laga nr. 21/1981, um kirkjubyggingasjóð, skal framlag ríkissjóðs til hans falla niður á árinu 1996.
Þrátt fyrir ákvæði c-liðar 5. gr. laga nr. 51/1972, um Bjargráðasjóð, skal framlag ríkissjóðs til hans falla niður á árinu 1996.
Þrátt fyrir ákvæði 4. tölul. 12. gr. laga nr. 82/1989, um málefni aldraðra, skal heimilt að veita rekstrarfé til stofnana fyrir aldraða í samræmi við ákvæði fjárlaga fyrir árið 1996.
Þrátt fyrir ákvæði 8. og 21. gr. laga nr. 117/1994, um skipulag ferðamála, skal framlag ríkissjóðs til Ferðamálasjóðs og til sérstakra verkefna Ferðamálaráðs samkvæmt fyrrnefndum lögum vera í samræmi við fjárlög fyrir árið 1996.
Þrátt fyrir ákvæði 1. og 3. tölul. 1. mgr 31. gr. hafnalaga, nr. 23/1994, skal framlag ríkissjóðs til Hafnabótasjóðs vera í samræmi við fjárlög fyrir árið 1996.