Ferill 379. máls. Aðrar útgáfur af skjalinu: Word Perfect.
1995–96. – 1065 ár frá stofnun Alþingis.
120. löggjafarþing. –
379
. mál.
669. Fyrirspurn
til menntamálaráðherra um kennara og leiðbeinendur í grunn- og framhaldsskólum.
Frá Bryndísi Guðmundsdóttur.
Hvert er hlutfallið milli grunnskólakennara og leiðbeinenda í fræðsluumdæmum landsins miðað við fullt stöðugildi annars vegar og fjölda kennara hins vegar?
Hvert er hlutfallið milli framhaldsskólakennara og leiðbeinenda í fræðsluumdæmum landsins miðað við fullt stöðugildi annars vegar og fjölda kennara hins vegar?
Hve margir leiðbeinendur á hvoru skólastigi fyrir sig starfa við stundakennslu?
Hve hátt hlutfall af sérkennslu á grunnskólastigi er í höndum sérkennara, sundurliðað eftir fræðsluumdæmum?
Er í einhverjum tilvikum um það að ræða að leiðbeinendur stundi sérkennslu? Ef svo er, hve hátt hlutfall sérkennslunnar í hverju fræðsluumdæmi hafa leiðbeinendur með höndum?
Hvert er lægsta hlutfall leiðbeinenda annars vegar í grunnskóla og hins vegar í framhaldsskóla?
Skriflegt svar óskast.