Hjörleifur Guttormsson:
Virðulegur forseti. Það er farið að syrta í álinn hjá Framsfl. Hv. þm. Stefán Guðmundsson, formaður iðnn., hélt því fram sem málsvörn í gær að þær arðgreiðslur sem á að lögbjóða með þessu frv. væru réttlætanlegar vegna þess að ráðherrar Alþb. hefðu á sínum tíma stuðlað að því fyrstir manna að greiddur væri arður af Landsvirkjun. (Gripið fram í: Það er ekki rétt.) (Gripið fram í: Það er rétt.) (Gripið fram í: Það er rangt.) Hv. þm. hafði ekki einu sinni fyrir því í gær að biðjast afsökunar á þessum staðhæfingum sínum. (Gripið fram í.) Sannleikurinn er sá að ákvarðanirnar um arðgreiðslu áranna 1976 og 1977 voru teknar í tíð minnihlutaríkisstjórnar Alþfl. á seinni hluta árs 1979. (Forseti hringir.) Ég skora á hv. þm. að biðjast afsökunar á ósannindum sínum úr þessum ræðustóli.
Virðulegur forseti. Það er greinilegt að það á að nota arðinn til margs. Til margra hluta, til huggunar. (Forseti hringir.) Það kom hér fram hjá einum áðan, en fyrir (Forseti hringir.) liggur að það muni vera 80 millj. sem á að sáldra út eftir forriti Framsfl. til að hugga ...
(Forseti (StB): Hvað segir þingmaðurinn?)
Ég segi nei.