Forseti (Ólafur G. Einarsson):
Forseti þekkir mætavel þessa grein þingskapa en það sem forseti átti við var það að venjan er sú í andsvörum að gera beinar athugasemdir við ræður þingmanna. Ef forseti hefur tekið rétt eftir andsvarinu, var ekki verið að finna sérstaklega að ræðunni. En menn geta haft sínar skoðanir á því hvort það eigi að nota andsvörin til þess að koma með eitthvert annað innlegg í málið eða að leggja áherslu á að viðkomandi sé sammála ræðumanni. Það er sjálfsagt allt til í því.