[prenta uppsett í dálka] 109. fundur
Svavar Gestsson (andsvar):
Ég mótmæli þessu ekki, herra forseti, enda reyndi ég það ekki. Ég tók þátt í því að skýra málið. Hins vegar segi ég það við hv. þm. og aðra viðstadda, hæstv. forseti: Ég tel að helmingaskiptaflokkarnir, Framsókn og Sjálfstfl., hafi ráðið úrslitum í þessu kerfi allan tímann. Sjálfstfl. hefur haft lag á því að stinga upp í fylgiflokka sína með einum eða öðrum hætti, við síðustu stjórnarmyndun með fimm ráðherrastólum, og hefur gefist vel, því miður, herra forseti.
