Forseti (Guðni Ágústsson):
Borist hefur eftirfarandi bréf:
,,Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að 2. varaþm. Framsfl. í Reykv., Vigdís Hauksdóttir blómakaupmaður, taki sæti á Alþingi í fjarveru minni og forföllum 1. varaþm. flokksins í Reykv.
Þetta er yður hér með tilkynnt, herra forseti.
Finnur Ingólfsson, 7. þm. Reykv.``
Þá hefur enn fremur borist svofellt bréf:
,,Vegna sérstakra anna sé ég mér ekki fært að taka sæti Finns Ingólfssonar, 7. þm. Reykv., á Alþingi sem 1. varaþm. Framsfl. í Reykv.
Virðingarfyllst, Arnþrúður Karlsdóttir.``
Kjörbréf Vigdísar Hauksdóttur hefur verið samþykkt. Hún hefur ekki áður tekið sæti á Alþingi og ber því að undirrita drengskaparheit að stjórnarskránni.