[prenta uppsett í dálka] 36. fundur
Ágúst Einarsson:
Herra forseti. Hér er verið að greiða atkvæði um ákvæði til bráðabirgða II. Hér er verið að auka tapsfrádrátt fyrirtækja í allt að þrettán ár. Það er nýbúið að samþykkja fyrr í þessari atkvæðagreiðslu að auka almennt tapsfrádrátt úr fimm í átta ár. Hér er hins vegar bætt við ákvæði til bráðabirgða um að þessi frádráttur getur við tilteknar aðstæður dugað í allt að þrettán ár. Við teljum, samanber rökstuðning minn áðan, að ekki liggi skýrt fyrir hvaða áhrif þetta hafi á tekjur ríkissjóðs. Við teljum að ekki hafi verið staðið nægilega vel að upplýsingaöflun varðandi þennan þátt með því að lögfesta þetta svona. Ég segi nei.
