Ferill 52. máls. Aðrar útgáfur af skjalinu: Word Perfect.
1996. – 1066 ár frá stofnun Alþingis.
121. löggjafarþing. – 52 . mál.
167. Svar
heilbrigðis- og tryggingamálaráðherra við fyrirspurn Ástu R. Jóhannesdóttur um skerðingu bótagreiðslna frá Tryggingastofnun ríkisins vegna fjármagnstekna.
Upplýsingar um tekjur eru ekki í gagnagrunni TRYGGVA (tölvukerfis Tryggingastofnunar) nema ef um tekjuyfirlýsingu er að ræða. Í daglegri vinnslu TRYGGVA eru þessar upplýsingar lesnar úr skrám RSK (skrám um skattframtöl frá ríkisskattstjóra), en starfsfólk Tryggingastofnunar hefur aðeins uppflettiaðgengi að þeim skrám. Það tekur langan tíma og er mikil fyrirhöfn að keyra þessa tvo gagnagrunna saman í runuvinnslu auk þess sem kostnaðurinn yrði verulegur. Það er því útilokað að svara spurningunni innan tilskilins tíma.
Heildarfjöldi örorkulífeyrisþega með skerta tekjutryggingu var sem hér segir (skerðing er vegna allra tekjubreytingaþátta í heild):
Maí 1996
Október 1996
Einstaklingar
3.045
2.915
Hjón
635
600
Um gagnagrunn Tryggingastofnunar vísast til 1. liðar.
Heildarfjöldi ellilífeyrisþega með skerta tekjutryggingu var sem hér segir (skerðing er vegna allra tekjubreytingaþátta í heild):
Maí 1996
Október 1996
Einstaklingar
4.881
5.222
Hjón
5.042
5.401
Sparnaður Tryggingastofnunar nemur u.þ.b. 11 millj. kr. á mánuði. Hann var fundinn út þannig að greiðslur fyrir septembermánuð voru keyrðar út tvisvar sinnum, fyrst án fjármagnstekjutengingar og svo með fjármagnstekjutengingu.