Gísli S. Einarsson:
Herra forseti. Hér er verið að óska eftir afbrigðum eða flýtimeðferð um frv. um stöðvun verkfalla á fiskiskipaflotanum. Hæstv. ríkisstjórn setur í búning, orð og lagaumgjörð hugsanir og vilja Kristjáns Ragnarssonar og hans félaga í fimm lagagreinum. Þó að brýna nauðsyn beri til að leysa þessa deilu er ekki hægt að samþykkja slík vinnubrögð. Sjómannafélögin fengu tilkynningu í dag kl. 16.45 um þessa aðgerð á faxi. Ég hafna slíkum vinnubrögðum og met þau sem aðför. Ég segi nei.