Guðný Guðbjörnsdóttir:
Virðulegi forseti. Hér er lagt til að sett verði lög á verkfall sjómanna með flýtiaðferð eins og um bráðabirgðalög væri að ræða og verkfallinu aflýst. Það á sem sagt enn einu sinni að taka samningsrétt af sjómönnum og það fram í júlí, eina ferðina enn. Þetta frv. er lagt fram án samráðs og gegn vilja bæði sjómanna og stjórnarandstöðu. Aðilar þurfa því tíma til að átta sig á þessari nýju stöðu og því tel ég rétt að málið fái eðlilega þinglega meðferð en ekki flýtimeðferð. Ég segi því nei við að veita afbrigði.