[prenta uppsett í dálka] 66. fundur
Rannveig Guðmundsdóttir (andsvar):
Virðulegi forseti. Ég er í sjálfu sér að taka undir þetta. Það á að skoða hvort að einhverjir geti ekki unnið. Það á skoða hvernig hægt sé að gera ungum og eldri kleift að vinna. Við tökum undir það. Ég bendi á að þegar árið 1994 lá það fyrir í skýrslu í félmrn. að vinna þyrfti að þessum málum. Áður hefur komið fram af hverju sú vinna var ekki farin í gang. Það að þingmaðurinn er stjórnarliði er að sjálfsögðu dregið inn í umræðuna vegna þess að ríkisstjórnin getur skapað úrræðin. Hún setur skoðunina í gang. Ríkisstjórnin skapar fjármálaleg úrræði, eykur framlög í starfsmenntasjóð og setur hin ýmsu verkefni af stað. Það er hún sem mundi setja peninga í að menn fái leyfi frá störfum til að endurmennta sig og fara í starfsþjálfun. Aðrir gætu farið í þessi störf á meðan til þess að kynnast vinnumarkaðnum. Það er ríkisstjórnin sem er lykilatriði í því að eitthvað gerist. Stjórnarandstaðan ýtir við.
