[prenta uppsett í dálka] 94. fundur, 122. lþ.
Félagsmálaráðherra (Páll Pétursson) (andsvar):
Herra forseti. Ég er hræddur um að kvöldið fari verr í hv. 8. þm. Reykv. en mig. Ég gat auðvitað aldrei vonast eftir því og dettur ekki í hug að fara fram á það, að hv. stjórnarandstæðingar sem töluðu mest og lengst gegn vinnulöggjöfinni vorið 1996 fari um hana einhverjum viðurkenningarorðum. Ég ætlast ekki til þess að þeir leysi þannig niður um sig. En fólkið í landinu lifir við þessa vinnulöggjöf. Það er ekki svo mjög óánægt og það er það sem skiptir mig máli. (SvG: En sjómenn?) Sjómenn una þessari lagasetningu og lögfestingu miðlunartillögunnar. (SvG: Eiga þeir annan kost?) Það eru útvegsmenn sem ekki una þessari lagasetningu og kvarta sárlega, það eru útvegsmenn, og nú eru allt í einu hv. stjórnarandstæðingar orðnir talsmenn útvegsmanna gegn sjómönnum.
