Ásta R. Jóhannesdóttir (andsvar):
Herra forseti. Ég ætla aðeins að fá aðeins nánari skýringu frá hæstv. ráðherra á því sem snýr að auglýsingunum. Er heimilt núna að láta koma fram í auglýsingu við hverju þessi lyf eru gefin? Má auglýsa t.d. þetta og þetta verkjalyf, svefnlyf eða hvað það er? Má það koma fram? Hér stendur að heimilað sé að í auglýsingu á lyfjum komi aðeins fram nafn lyfs. Þess vegna þyrfti að koma fram kannski aðeins skýrar hvort þetta þýði að ekki megi tilgreina við hvaða kvillum lyfið er.