[prenta uppsett í dálka] 128. fundur, 122. lþ.
Félagsmálaráðherra (Páll Pétursson) (andsvar):
Herra forseti. Á hverjum miðvikudegi eða hér um bil alla miðvikudaga hef ég viðtalstíma frá kl. níu til tólf. Þá kemur fólk, eitthvað á annan tug á hverjum morgni til að eiga orðastað við mig og bera upp erindi sín. Afar margir af þeim sem hafa komið þessi þrjú ár sem ég er búinn að vera í ráðuneytinu, fólk sem býr í félagslega kerfinu er beinlínis til að kvarta yfir því. Fólki finnst það vera fangar í því og hefur orðið fyrir vonbrigðum með það.
