Félagsmálaráðherra (Páll Pétursson) (andsvar):
Herra forseti. Ég vil helst ekki fara að sleppa mér út í umræður í öfga- og ofstopatón. Mér finnst ekki prýði að því og ég er stilltur maður og mun ekki rökræða það frekar á þeim nótum. Ég hef kvatt námsmenn til samstarfs um hvernig best verði staðið að fjármögnun og hver sé þörf fyrir leiguíbúðir á næstunni. Ég lét þess getið í ræðu minni áðan að einstætt foreldri á atvinnuleysisbótum, eigandi 500 þús. getur komist inn í litla íbúð og greiðslubyrðin í kringum 10 þús. á mán.