[prenta uppsett í dálka] 130. fundur, 122. lþ.
Jóhanna Sigurðardóttir:
Herra forseti. Með þessu ákvæði þarf fólk að greiða stimpilgjald af 65--70% lánshlutfalls sem það hefur ekki greitt áður. Einnig verða stimpilgjöld sett á lán til félagasamtaka eins og til fatlaðra, námsmanna og Búseta-hreyfingarinnar og auk þess á greiðsluerfiðleikalán. Eftir því sem lengra líður, herra forseti, á þessa atkvæðagreiðslu slær ríkisstjórnin hvert metið á fætur öðru í ósvífni í garð lágtekjuhópa.
