Sigríður Jóhannesdóttir:
Hæstv. forseti. Lengi hefur verið til vansa hversu naumt hefur verið skorið fé sem Námsgagnastofnun hefur verið ætlað til að gegna hlutverki sínu. Eftir alla þá umræðu sem hefur farið fram í þjóðfélaginu að undanförnu um að bæta skólastarf, og þar hlýtur Námsgagnastofnun að gegna veigamiklu hlutverki, leggjum við til að fjárveitingar til stofnunarinnar verði auknar um 40 millj. Ég segi já.