Menntamálaráðherra (Björn Bjarnason) (andsvar):
Herra forseti. Ég tel að það liggi alveg ljóst fyrir að háskólinn hefur núna t.d. túlkað það ákvæði sem vitnað var til í 11. gr. laganna um það sem hv. þm. Rannveig Guðmundsdóttir vitnaði til og benti á að þar sé um ákvæði að ræða sem byrjar á orðinu ,,nema``, þ.e. háskólinn hefur túlkað það á þann veg að hann geti framkvæmt þær breytingar sem hann telur að hann vilji gjarnan gera varðandi yfirstjórn háskólans á grundvelli rammalöggjafarinnar og IV. kaflans í lögunum.