[prenta uppsett í dálka] 49. fundur
Steingrímur J. Sigfússon:
Herra forseti. Það er niðurstaða okkar í minni hlutanum að leggjast ekki gegn breytingum 8.--10. gr. á lögum um almannatryggingar sem frv. felur í sér. Við gerum það í ljósi yfirlýsinga hæstv. forsrh. í umræðunum sem tæpast verða túlkaðar öðruvísi en þannig að með orðalagi 9. gr. frv., þar sem segir að taka skuli mið af launaþróun, sé í reynd verið að segja að upphæðir almannabóta og greiðslur skv. 59. gr. og fjárhæðir skv. 17. gr. almannatryggingalaga skuli beinlínis fylgja launaþróun eða launavísitölu. Í trausti þess að við þetta verði staðið og í ljósi þess að fyrirhugaðar breytingar eru þrátt fyrir allt til mikilla bóta frá ákvörðun ríkisstjórnarinnar og meiri hlutans 1995 um að afnema með öllu slíka tengingu er þetta afstaða okkar.
