[prenta uppsett í dálka] 51. fundur
Svanfríður Jónasdóttir:
Herra forseti. Það er ekki nóg að taka þátt í rannsóknum og býsnast síðan yfir útkomunni og skólakerfinu eins og gerðist þegar niðurstöður úr TIMSS-rannsókninni voru kynntar í fyrra. Það þarf að vinna úr þessum rannsóknum til að hægt sé að átta sig á hvar skóinn kreppir helst svo takmörkuðu fjármagni til skólanna sé beint í þá farvegi sem líklegastir eru til að bæta skólastarfið. Um það snýst þessi brtt., um litlar 5 millj. kr. Ég segi já.
