Ferill 192. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 194 – 192. mál.
Fyrirspurn
til menntamálaráðherra um kennara og leiðbeinendur.
Frá Svavari Gestssyni.
1. Hvert er hlutfallið milli grunnskólakennara og leiðbeinenda miðað við stöðugildi annars vegar og fjölda kennara hins vegar:
a. í Reykjavík,
b. í öðrum sveitarfélögum á landinu?
2. Hvert er hlutfallið milli framhaldsskólakennara og leiðbeinenda miðað við stöðugildi annars vegar og fjölda kennara hins vegar:
a. í Reykjavík,
b. í öðrum sveitarfélögum á landinu?
3. Hvernig skiptast leiðbeinendur í grunnskólum annars vegar og framhaldsskólum hins vegar eftir menntun og kyni, þ.e. hvert er hlutfall kvenna og karla sem hafa:
a. lokið háskólaprófi,
b. háskólamenntun án lokaprófs,
c. stúdentspróf sem lokapróf,
d. aðra menntun á framhaldsskólastigi,
e. grunnskólapróf sem lokapróf,
f. ekki grunnskólapróf?
Skriflegt svar óskast.
Prentað upp.
