[prenta uppsett í dálka] 60. fundur, 123. lþ.
Sólveig Pétursdóttir:
Virðulegi forseti. Í greinargerð með tillögu þessari er lagt til að Ísland móti sjálfstæða íslenska utanríkis- og friðarstefnu sem m.a. á að grundvallast á vopnleysi og veru utan hernaðarbandalaga. Ég minni á að um álfuna alla og þótt víðar væri leitað er horft til Atlantshafsbandalagsins til þess að tryggja frið og stöðugleika. Friður án vopna er fögur framtíðarsýn en því miður ekki raunsæ í þeim heimi sem við búum í.
Aðstaða varnarliðsins á Keflavíkurflugvelli er mikilvægasta framlag okkar til starfsemi bandalagsins. Virðulegi forseti. Ég styð að tillögunni verði vísað til nefndar en undirstrika andstöðu mína við efni hennar.
