[prenta uppsett í dálka] 68. fundur, 123. lþ.
Heilbrigðisráðherra (Ingibjörg Pálmadóttir):
Virðulegi forseti. Ég þakka hvatningu hv. þm. Allt of mikil vinna liggur fyrir varðandi þessa forgangsröðun í heilbrigðisþjónustu til að hún sé ekki nýtt alveg til fullnustu. Það er ágætt að fá þessa hvatningu og vekja athygli á því. Ég get fullvissað hv. þingmanninn um að nú þegar hefur þetta plagg komið að góðu gagni og á eftir að koma að enn betra gagni.
Alltaf má gera góða þjónustu betri og ég held að við Íslendingar séum kannski betur tækjum búnir en flestar aðrar þjóðir í kringum okkur og við fylgjumst betur með en þjóðirnar í kringum okkur. Við veitum betri þjónustu en t.d. Danir en við eigum ekki að ofmetnast af því. Við eigum bara að kynda kolin.
