Frsm. efh.- og viðskn. (Einar Oddur Kristjánsson):
Herra forseti. Ég mæli fyrir nál. efh.- og viðskn. um breyting á lögum nr. 97/1987, um vörugjald, með síðari breytingum.
Nefndin leggur til að breyta tollskrárnúmerum varðandi kranabíla og skráningu slíkra tækja. Það er til samræmis við það sem gert hefur verið á undanförnum árum að fella niður þá tolla. Í frv. er gert ráð fyrir að þeir verði felldir niður á kranabílum og eru þetta ein tíu tollskrárnúmer. Nefndin leggur til að frv. verði samþykkt óbreytt.
Undir þetta nál. rita allir nefndarmenn efh.- og viðskn., Vilhjálmur Egilsson, Steingrímur J. Sigfússon, Valgerður Sverrisdóttir, Árni R. Árnason, Gunnlaugur M. Sigmundsson, Pétur H. Blöndal, Sigríður Jóhannesdóttir, Einar Oddur Kristjánsson og Ágúst Einarsson.