Iðnaðarráðherra (Finnur Ingólfsson) (andsvar):
Herra forseti. Það er bara ekki rétt hjá hv. þm. Hjörleifi Guttormssyni að ekki sé verið að undirbúa mat á umhverfisáhrifum á algerlega réttan og lögformlegan hátt. Það er ekki hægt að halda því fram að ekki eigi að fara að lögunum eins og lögin eru um mat á umhverfisáhrifum fyrr en sú ákvörðun hefur verið tekin, ef hún verður þá einhvern tíma tekin, að málið skuli ekki sent í kærufarveg. Það er þá fyrst sem hv. þm. Hjörleifur Guttormsson getur haft uppi með stór um það að fyrirtæki hafi ekki sett málið í lögformlegan farveg. Undirbúningur málsins er í lögformlegum farvegi eins og hann á að vera í höndum framkvæmdaaðila að verki eins og þessu.