[prenta uppsett í dálka] 46. fundur, 123. lþ.
Sturla Böðvarsson (andsvar):
Herra forseti. Ég þakka hæstv. menntmrh. fyrir þær upplýsingar sem hér eru veittar. Ég held að sá samningur sem ráðherrann gat um skipti máli og ég fór nokkuð yfir það í ræðu minni. Hins vegar er nauðsynlegt að gera sér grein fyrir því að allir slíkir samningar sem gerðir eru hljóta að koma til endurskoðunar og sérstakrar yfirferðar í hvert eitt sinn sem fjárlög eru afgreidd þannig að slíkir samningar eru að sjálfsögðu gerðir með fyrirvara um afgreiðslu Alþingis á fjárlögum.
