[prenta uppsett í dálka] 64. fundur, 125. lþ.
Ögmundur Jónasson:
Herra forseti. Ég tek undir þá gagnrýni sem kom fram hjá hv. þm. Margréti Sverrisdóttur og óskir þingmannsins um skýringar á því að þessi beiðni um skýrslu skyldi tekin út af dagskrá. Eðlilegt er að kannað sé hvort mál séu þinglega rétt. Hins vegar hafa þeir 11 þingmenn úr öllum stjórnarandstöðuflokkunum á þingi lagt nafn sitt við tillöguna sem gengur út á að afla upplýsinga fyrir Alþingi í mikilvægu máli sem er til umræðu, að fá sem gleggstar upplýsingar um ráðstöfun og vegferð aflaheimilda á undanförnum árum. Út á það gengur þessi beiðni.
Hæstv. forseti Alþingis hefur gefið til kynna að þessi beiðni verði tekin til afgreiðslu á morgun og er gott til þess að vita þótt ég ítreki gagnrýni mína að þetta mál skuli hafa verið tekið út af dagskrá í dag.
