[prenta uppsett í dálka] 98. fundur, 125. lþ.
Svanfríður Jónasdóttir:
Herra forseti. Fyrir Alþingi liggur nú tillaga þingflokks Samfylkingarinnar um að undið verði ofan af svokölluðu gjafakvótakerfi og að veiðiheimildir verði boðnar út þannig að allir hafi jafnan rétt þegar kemur að aðgangi að sameiginlegri auðlind þjóðarinnar.
Sú brtt. sem við nú greiðum atkvæði um og lýtur að úthlutun veiðiréttar í norsk/íslenska síldarstofninum er í samræmi við meginhugmyndir Samfylkingarinnar um jafnræði við aðgang að auðlindinni og að menn eigi ekki að hafa rétt til að selja eða leigja það sem þeir hafa ekki greitt fyrir. Ég er því samþykk þessari tillögu.
