[prenta uppsett í dálka] 112. fundur, 125. lþ.
Jón Bjarnason:
Herra forseti. Miklar deilur hafa risið um framkvæmd laganna um þjóðlendur. Þessi tillaga kveður á um að framkvæmdin verði stöðvuð og fjmrh. verði falið að móta nýjar verklagsreglur fyrir kröfugerð ríkisins til þjóðlendna og endurvinna trúnað í vinnu þessa mikilvæga máls. Ég vek athygli á því, herra forseti, að gagnrýni hefur ekki aðeins komið frá hlutaðeigandi landeigendum og öðrum, heldur einnig frá einstökum þingmönnum og hæstv. landbrh. Ég legg því áherslu á að þetta bráðabirgðaákvæði verði samþykkt.
