Dómsmálaráðherra (Sólveig Pétursdóttir) (andsvar):
Herra forseti. Án þess að ég tjái mig efnislega um ábendingar hv. þm., ég tel ýmislegt athyglisvert í máli hennar, þá verður lagatæknilega hliðin að vera rétt. Ég sagði áðan í framsögu minni að breyting þessi heyrði ekki undir frv. um ættleiðingar. Ef hv. þm. hafa áhuga á að breyta þessu fyrirkomulagi þá þarf að breyta lögunum um staðfesta samvist. Ef hv. þm. kynnir sér hvað stendur í þeim lögum þá stendur skilmerkilega, í einni grein þeirra laga, að þau séu undanþegin ættleiðingarlögum. Því er alveg ljóst að það þarf að breyta þeim lögum ef hv. þm. vill koma skoðunum sínum fram.