[prenta uppsett í dálka] 23. fundur, 125. lþ.
Samgönguráðherra (Sturla Böðvarsson) (andsvar):
Herra forseti. Það er alltaf fróðlegt að heyra og fylgjast með hvernig samfylkingarþingmennirnir sveiflast á milli í tilveru ríkisrekstrarins, þ.e. á milli þess óskaheims sem sósíalistar hafa náttúrlega boðað og byggir á því að allt skuli ríkisrekið og hins vegar þess að telja sig vera höfuðtalsmenn samkeppni. Hv. þm. Lúðvík Bergvinsson fellur í þessa gryfju. Hann getur ekki gert þarna upp á milli.
Hins vegar vakti ég athygli á því í umræðunni í dag að það háttar hvergi þannig til þar sem símafyrirtækin hafa verið einkavædd að grunnnetið hafi verið slitið frá. Ég vakti athygli á þessu og að Íslendingar gætu kannski eitthvað af því lært.
