[prenta uppsett í dálka] 31. fundur, 125. lþ.
Frsm. efh.- og viðskn. (Vilhjálmur Egilsson):
Hæstv. forseti. Ég mæli fyrir brtt. við frv. til laga um öryggi greiðslufyrirmæla í greiðslukerfum frá efh.- og viðskn. Málið hafði komið til umfjöllunar í nefndinni milli 1. og 2. umr. Á því hafa verið gerðar breytingar í 2. umr. en við yfirlestur á nefndasviði Alþingis komu í ljós smágallar á frv. tæknilegs eðlis og eru brtt. fluttar til þess að bæta úr því.
Þessar brtt. eru í fjórum liðum:
Við 2. gr. Orðin ,,og framkvæmdastjórnar EB`` í 1. tölul. falli brott. Ástæðan er sú að eingöngu þarf að tilkynna til Eftirlitsstofnunar EFTA.
Við 7. gr. Í stað orðanna ,,þess ríkis sem gildir`` komi: sem gilda.
9. gr. er endurorðuð ... (GÁS: Vill þingmaðurinn tala hærra og skýrar?) 9. gr. er endurorðuð til þess að efni hennar sé skýrara en kemur fram í greininni eins og hún stendur.
Þá vil ég sérstaklega vekja athygli hv. þm. sem óskaði eftir að hærra væri talað að gert er ráð fyrir að 14. gr., sem kveður á um að lög þessi öðlist þegar gildi, verði 1. mgr. 13. gr.
