Ásta R. Jóhannesdóttir:
Herra forseti. Að felldri þeirri tillögu sem við greiddum atkvæði um áðan, þá ítreka ég að það er enn verið að reyna að bæta kjör öryrkja með atkvæðagreiðslu í þinginu. Hér er verið að leggja til um 10% hækkun á tekjutryggingunni og ég skora enn á þingmenn um að leggja þessu lið og bæta hér kjör öryrkjanna. Það eru síðustu forvöð áður en þessari öld lýkur að bæta kjör þeirra sem verst eru settir í velferðarkerfinu. Ég segi já.